Tus Menyuam yug tshiab mus txog tus muaj tsib xyoos Txoj Kev Loj Hlob

Help Me Grow Yog Dab Tsi?

Help Me Grow muab tau xov xwm thiab kev pab rau tsev neeg txog:
Nkag siab txog cov txheem qib ntawm kev loj hlob rau me nyuam (ntxais txog tsib xyoos).
Kawm yog muaj kev txhawj xeeb.
Coj kev nrhiav lwm txoj kev pab ntxiv.
Pab taw ib tug me nyuam kom tau kev ntsuas nkag siab, tshau ntawv zais npog los yog ntsuam xyuas tsis raug nqi.

Yog kawm ntxiv txog cov txheem qib ntawm tib qho hnub nyoog, xaiv qhov hnub nyoog nram qab no.

Me Nyuam Yug Tshiab Txheem Qib Loj Hlob

Thaum txhua tus me nyuam nyias txawv nyias, me nyuam loj hlob tau yam ntxim yuav twv tau. Cov no yog hu ua cov txheem qib loj hlob. Nws muaj plaub suam txog me nyuam kev loj hlob: kev paub txog, kev txuas lus thiab hais lus, kev sib raug zoo thiab mob siab, thiab lub zog (siv cev). Cov txheem qib yuav pab tau koj nkag siab txog qhov koj tus me nyuam kev kawm thiab loj hlob.

Video Player is loading.

Current Time 0:00

Duration -:-

Loaded: 0%

Stream Type LIVE

Remaining Time -:-

Download: MP4 format

Cov txheem qib loj hlob:

Quaj qhia txog qhov xav tau.
Nplij tus kheej los ntawm kev muab tes tso ze qhov ncauj kom zoo npuav cov ntiv tes los yog lub nrig.
Ceeb rau cov suab nrov loj.
Ntsais muag rau cov teeb ci ntsa iab.

Tej yam koj ua tau los pab txhawb kev loj hlob kom zoo:

Teb rau koj tus me nyuam thaum nws quaj.
Hais lus thiab hu nkauj rau koj tus me nyuam siv lub suab kom muag, kom laj siab.
Puag koj tus me nyuam thiab maj mam kov nws cov nqaij.

Yeeb Yaj Kiab: Nrhiav kev txawb los ntawm Help Me Grow

Sai tham txog qhov Help Me Grow Minnesota qhia li cas kom nws ob tug menyuam thiab nws tsev neeg thiaj muaj kev txhawb lawv xav tau kom thiaj li ua tau. Yog tias koj muaj lus nug thiab muaj kev txhawj xeeb txog ib tug menyuam qhov kev loj hlob saum lub hlwb, Help Me Grow yeej pab tau.

Saib Sai Zaj Dab Neeg

Cov Lus Nug Heev Tshaj
(FAQs)

Mus saib hauv peb nploog ntawv muaj Cov Lus Nug Heev Tshaj (FAQ) kom paub txog tias lwm tus niam txiv xav paub txog kev loj hlob ntawm tus menyuam.

Saib FAQs

Pab taw ib tug Me Nyuam – yuav ua li cas yog muaj kev txhawj xeeb

Pab taw ib tug me nyuam kuj yooj yim. Leej twg los yeej pab taw tau ib tug me nyuam, suav nrog niam txiv, ib tug ntawm tsev neeg, phooj ywg los yog tus kws ua hauj lwm rau cov me nyuam.
Yog koj muaj kev txhawj xeeb txog ib tug me nyuam kev loj hlob thiab xav tias tej zaum tus me nyuam ntawd yuav tsum tau kev pab kom kawm tau thiab loj hlob, tsis txhob yig txog pab ib tug me nyuam es hu tus xov tooj 1-866-693-GROW (4769). Yuav muaj cov kws pes lus pab. Yog xav lis daim ntawv Askiv txog pab taw hauv caij sab, mus saib nplooj refer a child (Pab taw ib tug Me Nyuam). Ib tsev neeg yuav muaj tus cuag los ntawm lub tsev kawm ntawv nyob ze los tham txog kev txhawj xeeb thiab teem sij hawm tshau ntawv thiab ntsuam xyuas txiav txim seb tus me nyuam puas yuav raug cai tau kev pab Cuam Tshuam rau Me Nyuam Mos Liab thiab Me Nyuam Mos los yog tau kev pab Kawm Ntawv Tshwj Xeeb rau cov Me Nyuam Pib Kawm Ntawv. Tag nrho kev pab rau cov me nyuam tau kev pab yog dawb tsis hais txog neeg txheem khiav teb chaws los yog tau nyiaj li cas. Yeej tsis muaj daim ntawv yuav teev npe tos.

Saib Yeeb yaj kiab

Saib daim yeeb yaj kiab no kom paub ntxiv txog kev cuam tshuam thaum ntxov nyob rau Minnesota. Cov ntsiab hauv daim yeeb yaj kiab yog tau kev siab zoo los ntawm ECHO Minnesota, uas yog tau nyiaj txhawb los ntawm Minnesota Lub Tuam Tsev Saib Xyuas Kev Kawm Ntawv (Minnesota Department of Education), PACER lub Tuam Chaw (PACER Center) thiab St. Paul Cov Tsev Kawm Ntawv Dawb (St. Paul Public Schools).

Muaj kev pab tshwj xeeb.

Tag nrho kev pab rau cov me nyuam tau kev pab yog dawb tsis hais txog neeg txheem khiav teb chaws los yog tau nyiaj li cas.

Yeej tsis muaj daim ntawv yuav teev npe tos.

VIM LI CAS THIAJ PAB TAW IB TUG ME NYUAM

Yog tus me nyuam muaj tej yam xws li nram qab no, ces nrawm nroos coj thiab pab taw tus me nyuam rau Help Me Grow. Koj los yuav tau tham nrog koj tus me nyuam tus kws kho mob txog koj tej kev txhawj xeeb.

Tsis ua suab mos liab, taw tes los yog lwm yam siv cev thaum muaj 12 hlis (1 xyoos).

Tsis hais ib lo lus thaum muaj 16 hli.

Tsis hais ob lo lus sib txuas thaum muaj 24 hlis (2 xyoos).

Yam txuj twg uas poob thaum muaj lub hnub nyoog twg.

Teeb meem tsis pom kev zoo los yog hnov lus zoo.

Ntsuam Thaum Muaj 3 Xyoos

Kev ntsuam me nyuam ntxov yog ib txoj kev tshuaj ntsuas dawb xyuas seb koj tus me nyuam 3 xyoos loj hlob li cas, xeeb meej li cas thiab kawm li cas.

oj koj xav paub ntau ntxiv, hu rau koj lub tsev kawm ntawv.

Tag nrho cov me nyuam nyob rau hauv Minnesota yuav tsum muaj kev ntsuam ua ntej mus kawm qib pib.

Txob Help Me Grow

Help Me Grow yog kev koom xeeb ntawm ntau lub koom haum ntawm Minnesota Tsev Kawm Ntawv, Tuam Tsev Xyuas Txog Kev Noj Qab Haus Huv, thiab Tuam Tsev Muab Cov Kev Pab Neeg, thiab lawv lub zos cov kev pab cuam rau kev tshawb xyuas tus me nyuam muaj kev tsis taus thiab tau txais lawv mus rau hauv kev pab cuam sai li sai tau.

Tom Qab Xa Mus

Tom qab xa ib tub me nyuam, ib tsev neeg yuav muaj tus cuag los ntawm lub tsev kawm ntawv cheeb tsam los pab teem sij hawm tshau ntaw thiab tshuaj ntsuam seb tus me nyuam puas yuav raug cai tau txais kev pab cuam tshuam me nyuam mos liab thiab me nyuam mos los yog keb pab kawm ntawv tshwj xeeb rau cav me nyuam pib kawm ntawv.