Cov kev pab mas pab dawb!

Txawm tias:

Kev khwv nyiaj
Kev Yog Pej Xeem zoo li cas hauv tebchaws Meskas

Cov lus nug heev tshaj plaws txog Menyuam Kev Loj Hlob

Peb hnov ntau cov lus nug los ntawm cov niam txiv thiab cov neeg tu menyuam txog tej yam tus menyuam paub ua thaum lawv muaj 18 lub hlis. Ib hnub ntawd, zoo li cov menyuam kawm tau tej yam lawv paub ua tshiab thiab paub ntau zuj zus txog tej yam nyob ib puag ncig ntawm lawv. Nws yog ib qho zoo siab es pom lawv loj hlob, thiab ntau leej niam txiv xav paub tias lawv yuav tsum tau ua li cas. Nyob rau ntawm cov lus es nug heev tshaj plaws nov, koj yuav nrhiav pom cov lus teb rau cov lus nug es ntau leej niam txiv thiab cov neeg tu menyuam lawv muaj rau cov ncauj lus ntawm thaum xub pib luag rau thaum paub yoj tes qhia tias sib ntsib dua.

Tsis Lees Tsis Lav Phib Xaub: Muaj ntau yam es muaj kev cuam tshuam rau ib tug menyuam qhov kev loj hlob, suav nrog rau qhov kev ntseeg ntawm tsev neeg thiab lub zej zog. Qhov chaw Help Me Grow Minnesota thiab nws cov khub koom tes ua hauj lwm uake los tham txog qhov tsim tau lub vas sab nov es muaj kev saib tej yam muaj nuj nqis thiab tej kev cai dab qhuas sib txawv hauv lub xeev Minnesota cov zej zog es muaj ntau hom neeg.

Dhia uasi – Pab rau lub cev los yog pab kom tus kheej tswj tau lub cev kom taug kev thiab khiav tau

Thaum twg tus mos ab mam pib sawv tau ntsug?

Ntau tus mos ab pib sawv ntsug thaum lawv muaj hnub nyoog li ntawm 9 thiab 12 lub hlis. Ua ntej ib tug mos ab sawv tau ntawm nws tus kheej, feem ntau lawv rub tej yam dabtsi xws li lub rooj zaum kom pab tau lawv sawv. Tej zaum lawv kuj pib rhais ob peb kauj ruam thaum lawv tuaj tej rooj tog zaum thiab. Saib kom zoo kom cov rooj tog sawv ruaj khov thiab tsis txhob vau. Tshem tej rooj tog es ntxim li tuav es vau kom deb.

Cov ntaub ntawv pab qhia:

hnub nyoog-9 lub hlis

hnub nyoog-12 lub

Thaum twg tus mos ab mam paub npuaj tes?

Ntau tus mos ab npuaj teg thaum lawv muaj thaj tsam li 9 lub hlis. Tej zaum lawm npuaj teg vim lawv zoo siab, vim lawm pom lwm tus neeg npuaj teg, los yog vim tias lawv paub npuaj teg. Npuaj teg mas siv ntau yam kev tswj ntawm lub cev. Cov kev uasi xws li pat-a-cake los yog maj mam npuaj koj tus menyuam txhais tes uake yeej pab kom lawv kawm tau qhov es npuaj teg.

Cov ntaub ntawv pab qhia:

hnub nyoog-9 lub hlis

Thaum twg tus mos ab mam pib ntxeev los zaum taus thaum lawv pw?

Cov mos ab pib ntxeev los zaum taus thaum lawv pw es yuav tau pab nws mentsis thaum nws muaj hnub nyoog li ntawm 6 lub hlis. Feem ntau, cov mos ab pib ntxeev los zaum taus ntawm lawv tus kheej thaum muaj 9 mus rau 12 lub hlis.Thaum koj tus menyuam pib zaum taus ntawm lawv tus kheej lawm, koj yuav yeej pab tau kom lawv txhob vau es yog muab ib lub tog hauv ncoo txheem.

Cov ntaub ntawv pab qhia:

Thaum twg cov menyuam mam pib uasi nrog khoom uasi?

Cov hnub nyoog mas sib txawv deb thaum cov menyuam pib uasi nrog cov khoom uasi. Cov mos ab feem ntau nyiam cov khoom uasi es muaj ntau xim, thiab cov khoom uasi es lawv nyiam txij thaum lawv nyuam qhuav yug, ua ntej thaum lawv yuav paub uasi nrog cov khoom ntawd ntawm lawv tus kheej. Muaj ib daim pam tso rau hauv plag tsev yuav yog ib qho chaw nyab xeeb rau lawv uasi nrog lawv cov khoom uasi.

Cov ntaub ntawv pab qhia:

Thaum twg cov mos ab mam paub rhais ruam taug kev?

Coob tus mos ab taug taus kev thaum lawv pib sawv taus, thaum muaj li ntawm 9 lub hlis txog 12 lub hlis. Rhais ruam taug kev yog thaum ib tug mos ab pib rhais ruam thaum tuav tau tej yam dabtsi xws li lub rooj xas loos, lub rooj haus kas fes los yog lwm yam rooj tog. Thaum koj tus mos ab pib sawv taus, koj yeej muab lawv tso tau ze cov rooj tog zaum es ruaj khov kom pab tau lawv rub lawv tus kheej sawv. Cov khoom uasi es lawv thawb tau xws li lub laub zaum yeej pab kom lawv yoog tau kom txhob vau thiab.

Cov ntaub ntawv pab qhia:

Tham lus – Pab kom paub sib txuas lus thiab Pab kev kawm hais lus

Thaum twg cov menyuam mos ab mam pib luag?

Coob tus menyuam mos ab pib luag tej suab thaum muaj li ntawm 4 lub hlis, thiab pib ua lub ntsej muag luag ntxhi thaum saib koj thaum muaj li 2 lub hlis. Saib seb tej yam dabtsi ua rau koj tus menyuam zoo siab, thiab rov ua cov suab dua los yog tej yeeb yam yoj tes es ua rau lawv luag. Luag nrog koj tus menyuam uake thaum lub sij hawm ntawd.

Cov ntaub ntawv pab qhia:

hnub nyoog-2 lub hlis

hnub nyoog-4 lub hlis

Thaum twg cov menyuam mob ab mam paub lawv lub npe?

cov menyuam mob ab mam paub lawv lub npe thaum muaj li 6 lub hlis. Siv koj tus menyuam lub npe thaum twg koj ua tej yam dabtsi nrog nws, xws li "Txiv thiab [tus mos ab lub npe] yuav mus taug kev," los yog "Niam thiab [tus mos ab lub npe] yuav nyeem ib phau ntawv." Qhov no pab koj tus menyuam kom nws paub tias nws yog leej twg thiab cov npe ntawm cov neeg nyob ib puag ncig ntawm nws.

Cov ntaub ntawv pab qhia:

hnub nyoog-6 lub hlis

Thaum twg cov menyuam mos ab mam paub hais lus as nkwg?

Cov menyuam mos ab mam paub hais lus as nkwg thaum lawv muaj li 1 lub hlis. Qhov no yog thawj thawj qhov es tus menyuam pib nrog koj tham. Yog tias koj tus mos ab ua ib lub suab rau koj, rov qab ua lub suab ntawd uasi nrog koj tus menyuam. Tos kom lawv teb koj, ces rov qab ua lub suab dua. Koj yeej teb tau tus menyuam mos ab cov suab rov qab es yog hais lus thiab hu nkauj rau lawv. Yeej tsis muaj ib zaug es koj yuav hais li ntau dhau rau koj tus mos ab.

Cov ntaub ntawv pab qhia:

hnub nyoog-1 lub hlis

Thaum twg tus mos ab paub yoj tes li sib ntsib dua?

Coob tus mos ab paub yoj tes li sib ntsib dua thaum lawv muaj thaj tsam li 12 lub hlis. Yoj tes mus mus los los yog ib qho uasi yam lom zem heev nrog koj tus mos ab. Hais "Yoj tes sib ntsib dua" thaum koj yoj tes kom koj tus menyuam kom paub siv tes ua.

Cov ntaub ntawv pab qhia:

hnub nyoog-12 lub hlis

Thaum twg tus mos ab paub hais dada?

Coob tus mos ab paub hais "dada" thaum lawv muaj li 12 lub hlis. Koj tus mos ab tej zaum pib hais cov suab xws li "dadada," thiab "bababa" thaum lawv muaj thaj tsam li 9 lub hlis. Thaum koj tus mos ab ua cov suab nov, teb lawv. Koj yeej hais tau cov suab no rov qab thiab yeej hais tau los lus kom meej, xws li "Dadada, yog Dada."

Cov ntaub ntawv pab qhia:

Thaum twg tus mos ab paub hais mama?

Coob tus mos ab paub hais "mama" thaum lawv muaj li 12 lub hlis. Koj tus mos ab tej zaum pib hais cov suab xws li "dadada," thiab "bababa" thaum lawv muaj thaj tsam li 9 lub hlis. Thaum koj tus mos ab ua cov suab nov, teb lawv. Koj yeej hais tau cov suab no rov qab thiab yeej hais tau los lus kom meej, xws li "Mamama, yog Mama."

Cov ntaub ntawv pab qhia:

Thaum twg cov mos ab mam pib taw ntiv tes?

Cov mos ab pib taw ntiv tes thaum lawv muaj thaj tsham li 9 lub hlis. Thaum muaj 12 txog 18 lub hlis, lawv pib taw ntiv tes kom qhia tau tej yam dabtsi rau koj, taw ntiv tes rau tej yam khoom lawv xav tau, los yog taw ntiv tes kom koj ntsia lawv. Thaum koj tus mos ab taw ntiv tes rau tej yam dabtsi, saib mus rau qhov chaw ntawd thiab tham txog qhov koj pom los yog qhov lawv xav tau.

Cov ntaub ntawv pab qhia:

hnub nyoog-9 lub hlis

Sib ntsib nrog lwm tus – Pab rau kev sib ntsib sib tham thiab pab rau kev xav thiab tswj kom tau lub siab ntsws

Thaum twg tus mos ab mam paub saib tuaj rau koj?

Coob tus mos ab mam paub saib tuaj rau koj thaum tseem yau li ntawm 6 lub asthiv. Feem ntau lawv yeej pib paub saib tej yam dabtsi es txav mus txav los thaum lawv muaj li ntawm 3 lub asthiv. Saib mus rau thiab tham nrog koj tus mos ab thaum koj pub mov lawv noj yog ib qho zoo rau qhov saib mus rau nws lub qhov muag. Tiv tauj rau koj tus kws kho mob yog tias koj tus mos ab tsis saib rau koj lub qhov muag thaum nws twb muaj 3 lub hlis lawm.

Cov ntaub ntawv pab qhia:

hnub nyoog-3 lub hlis

Thaum twg tus mos ab mam paub ncawg thiab nyiam neeg?

Coob tus mob ab sib raug zoo nrog lawv niam lawv txiv los yog nrog rau cov neeg tu lawv txij thaum yug kiag los. Lawv nyiam saib neeg cov ntsej muag thaum lawv nyuam qhuav yug los. Ntau tus mos ab pib luag ntxhi rau tib neeg thaum muaj li 3 hlub hlis, thiab luag thaum koj ua tej yam dabtsi thaum lawv muaj li ntawm 4 lub hlis. Ua kom tau raws li koj tus mos ab qhov nws xav tau, muab puag, nrog nws tham thiab uasi nrog nws yog ib qho qhia tau txog kev sib ncawg thiab tsim kom muaj kev sib raug zoo.

Cov ntaub ntawv pab qhia:

hnub nyoog- nyuam qhuav yug

Thaum twg cov mos ab mam pib khawm?

Cov mos ab pib khawm thiab paub nyiam lwm tus thaum lawv muaj hnub nyoob thaj tsam li ntawm 6 lub hlis. Coob tus mos ab pib ua kom pom tias lawv nyiam khawm thiab puag thaum lawm muaj 3 hlis. Maj mam puag thiab khawm tus mos ab thaum koj pub mis rau noj, muab khaub ncaws rau hnav thiab uasi nrog lawv. Nov pab kom lawv paub koj thiab kom kawm kom paub qhia txog kev sib ncawg.

Cov ntaub ntawv pab qhia:

Thaum twg cov mos ab mam pib nco tau neeg lub ntsej muag?

Cov mos ab pib cim tau cov ntsej muag lawv swm thaum lawv muaj hnub nyoog thaj tsam li 6 lub hlis. Lawv yuav pib nkag siab yog tias ib tug neeg twg txawv ntsej muag. Thaum lawv muaj hnub nyoog thaj tsam li 9 lub hlis, lawv kuj pib txaj muag thaum nyob ze cov neeg es lawv tsis paub. Saib seb koj tus menyuam ua li cas thaum lawv pom cov ntsej muag lawv swm thiab cov ntsej muag tshiab. Ua kom lawv paub tias koj los yog ib tug neeg lawv paub nyob ze ntawm lawv yog tias ntxim li lawv ntshai.

Cov ntaub ntawv pab qhia:

hnub nyoog-6 lub hlis

Thaum twg tus cov menyuam mos ab mam li luag ntxhi?

Cov menyuam mos ab feem ntau pib luag ntxhi rau tus neeg tu nws ntxov li thaum nws muaj hnub nyoog 2 lub hlis. Tej qho kev luag ntxhi mas nyob nyob cia li lam luag xwb. Tej thaum kuj zoo li koj tus menyuam yeej paub tias yam dabtsi ua rau nws zoo siab thaum lub sij hawm ntawd. Thaum lawv muaj hnub nyoog 4-lub hlis, koj tus menyuam tej zaum kuj pib qog koj qhov kev luag ntxhi thiab qog koj lub ntsej muag ntshaus. Khawm, nrog tham thiab uasi nrog koj tus menyuam kom qhia rau lawv paub tias koj zoo siab koj tau nyob nrog nws.

Cov ntaub ntawv pab qhia:

hnub nyoog-2 lub hlis

Thaum twg cov menyuam mos ab mam ntsiag tsis quaj lawm?

Nws tseem ceeb heev es ua tej yam rau koj tus menyuam thaum nws quaj kom thiaj li paub tseeb tias tsis yog lawm muaj mob, tshaib plab los yog xav kom hloov lawv daim daiv pawm. Thaum koj paub tseeb tias tsis yog peb qhov ntawd, koj yeej pab tau koj tus menyuam xyaum koj paub tswj lawv tus kheej kom txhob quaj es yog maj mam muab lawv tus ntiv tes los yog tus taub tes ntshaws rau lawv lub qhov ncauj. Thaum koj tus mos ab muaj hnub nyoog li tnawm 4 lub hlis, koj yeej pom tau tias nws yeej tswj tau nws tus kheej yooj yim zog thiab ntsiag tsis quaj lawm thaum muaj dabtsi pab ntxias lawv. Thaum muaj hnub nyoog li ntawm 6 lub hlis, ntau tus menyuam mos ab yeej ntxias tau lawv tus kheej es yog siv lawv tus taub tes/ntiv tes, lub txiv mis ntxais, ib qho khoom uasi es zooj zooj los yog daim pam.

Cov ntaub ntawv pab qhia:

hnub nyoog-4 lub hlis

Xav saum hlwb – Pab kom paub xav saum lub hlwb

Thaum twg tus mos ab paub nrhiav lawv txhais ko taw?

Tus mos ab paub nrhiav lawv txhais ko taw thaum lawv muaj hnub nyoog ntxov li ntawm 4 lub hlis. Ntawm lub hnub nyoog muaj li nov, lawv pib xav nrhiav tej yam nyob ib puag ncig ntawm lawv thiab pib nkag siab tias lawv yeej khoo tau lawv sab ko taw, thiab nqa tau lawv los rau ntawm lawv lub ntsej muag los yog lub qhov ncauj kom lawv pom ze zog.

Cov ntaub ntawv pab qhia:

hnub nyoog-4 lub hlis

Thaum twg tus mos ab mam pib ncav mus muab khoom?

Cov mos ab mam pib ncav mus muab khoom thaum lub hnub nyoog ntxov li ntawm 2 lub hlis. Koj yeej muab tau koj tus menyuam pw ntxeev tiaj thiab tuav ib qho khoom los yog ib yam khoom es co nrov nrov ze ntawm nws lub hauv pliaj kom nws ncav tes tuaj muab. Yog tias lawv ncav tsis tshua txog, pab lawv es txav qhov khoom mus rau lawv sab tes. Thaum lawv muaj li 3 los yog 4 lub hlis, koj yeej tso tau cov khoom ntawd ze ntawm nws ob sab tes thiab ko tawm kom lawv ncav muab tau thaum lawv uasi hauv ib daim pam hauv plag tsev. Cov khoom uasi es muaj ntau xim mas ua tau rau lawv pom zoo dua.

Cov ntaub ntawv pab qhia:

Thaum twg tus mos ab mam pib tuav lawv lub raj mis noj ntawm lawv tus kheej?

Cov mos ab tej zaum pib tuav lawv lub raj mis noj ntawm lawv tus kheej thaum muaj hnub nyoog ntxov li ntawm 6 lub hlis. Nws kuj yuav siv sij hawm me ntsis ua ntej lawv paub tias yuav muab coj los tso rau lawv lub qhov ncauj li cas thiaj noj tau. Ua ntej cov mos ab yuav tuav tau lawv lub raj mis ntawm lawv tus kheej, cov mos ab tej zaum yuav sib tes khaws khoom thiab muab tso rau lawv lub qhov ncauj, los yog muab qhov khoom ntawd tso rau lwm sab tes mus mus los los.

Cov ntaub ntawv pab qhia:

hnub nyoog-6 lub hlis

Thaum twg tus mos ab mam uasi pos ntsej muag hu ua peek a boo?

Coob tus mos ab yuav uasi pos ntsej muag hu ua peek a boo mus mus los los thaum lawv muaj hnub nyoog li ntawm 9 lub hlis. Koj tus mos ab yuav nyiam uasi li nov thaum nws muaj hnub nyoog ntxov li 2 lub hlis, ua ntej nws yuav paub ua rov qab rau koj. Uasi pos ntsej muag hu ua peek a boo pab koj tus menyuam qhov kev xav saum hlwb thaum lawv nrhiav koj, ces pom koj tshwm plaws dua nrog rau lub ntsej muag luag ntxhi.

Cov ntaub ntawv pab qhia:

hnub nyoog-9 lub hlis

Thaum twg tus mos ab mam kawm cov npe ntawm lub cev?

Cov mos ab feem ntau yeej paub taw tes rau tej yam khoom thaum lawm muaj 12 lub hlis. Coob tus mos ab yuav taw tes tau ib qho ntawm lub cev thaum lawm muaj 18 lub hlis. Koj yeej pab kom lawv paub txog cov npe ntawm lub cev es yog qhia rau lawv thaum nej ua tej yam dabtsi txhua hnub. Piv txwv, "Tam sim no muab koj sab caj npab ntxig rau koj lub tsho." "Koj lub kaus mom tso rau saum koj lub taub hau," los yog "Los ntxuav tes."